នគរបាលខេត្តកែប បង្ក្រាបករណីជួញដូរ ចែកចាយនិងប្រើប្រាស់គ្រឿងញៀន បញ្ជូនទៅតុលាការ
21-April-2020 | ដោយ ពលមនសិការ
កែប៖ អនុវត្តន៍តាមការដឹកនាំចង្អុលបង្ហាញពីលោកឧត្តមសេនីយ៍ត្រី បែន តារា ស្នងការនគរបាលខេត្តកែប ល្ងាចថ្ងៃទី២០ ខែ០៤ ឆ្នាំ២០២០ ការិយាល័យប្រឆាំងគ្រឿងញៀន សហការជាមួយកម្លាំងអធិការនគរបាលក្រុងកែប និងកំលាំងអន្តរាគមន៍ពិសេស នៃស្នងការនគរបាលខេត្តកែប ដឹកនាំដោយលោកវរសេនីយ៍ទោ កើត សាវុធ ប្រធានក្រុមអន្តរាគមន៍ពិសេស បានចុះស្ទាក់ចាប់មុខសញ្ញាជួញដូរ និងប្រើប្រាស់គ្រឿងញៀនដោយខុសច្បាប់ម្នាក់ ដែលកំពុងធ្វើសកម្មភាពចែកចាយ នៅក្នុងភូមិអូរក្រសារ សង្កាត់អូរក្រសារ ក្រុង/ខេត្តកែប។
ករណីខាងលើនគរបាលដកហូតជាក់ស្តែងបានៈ ថ្នាំញៀនចំនួន០៧កញ្ចប់ (ធំ០១កញ្ចប់, តូច០៦កញ្ចប់) ស្មើនិង១៥.62g ទូរសព្ទដៃចំនួន០១គ្រឿង ដែកកេះចំនួន០២ដើម និងស្គុតខ្មៅសំរាប់រុំថ្នាំញៀន០១ដុំ ដែលសាមីជនទទួលស្គាល់ថាជារបស់ខ្លួន។ ជនសង្ស័យមានឈ្មោះ លៀម យ៉ត ភេទប្រុស អាយុ២៩ឆ្នាំ មុខរបរមិនពិតប្រាកដ រស់នៅភូមិ សង្កាត់កើតហេតុខាងលើ។
ក្រោយការចាប់ខ្លួនបាននាំជនសង្ស័យមកកាន់ស្នងការដ្ឋាននគរបាលខេត្ត ដើម្បីបន្តនីតិវិធី និងបានបំពេញសំណុំរឿងបញ្ជូនទៅសាលាដំបូងខេត្តកំពត នៅព្រឹកនេះ(២១,០៤,២០២០) ដើម្បីចាត់ការបន្តតាមផ្លូវច្បាប់ផងដែរ ៕
ចំនួនអ្នកទស្សនា
- ថ្ងៃនេះ1571
- ម្សិលមិញ3601
- សប្តាហ៍នេះ17521
- ខែនេះ63621
- ឆ្នាំនេះ399881
- សរុប19627327